कैसर-ए-हिंद इमारतीत भीषण आग; ईडी कार्यालय थोडक्यात बचावले

28 एप्रिल मुंबई: रविवारी पहाटे मुंबई शहरात एक मोठा अनर्थ घडण्याची भीती निर्माण झाली होती. सक्तवसुली संचालनालय (ईडी) चं कार्यालय ज्या कैसर-ए-हिंद या ऐतिहासिक इमारतीत आहे, तिथे मध्यरात्रीनंतर अडीच वाजता भीषण आग लागली. या आगीत चौथ्या मजल्यावरचं एक घर संपूर्णपणे जळून खाक झालं आहे.

जवळपास तीन तास उलटूनही आगीवर पूर्ण नियंत्रण मिळवता आलं नव्हतं. आगीची भीषणता इतकी होती की काही वेळ इमारतीभोवती काळ्या धुराचं जाळं पसरलं होतं. मुंबई अग्निशमन दलाच्या आठ गाड्या, सहा जंबो वॉटर टँकर्स आणि एरियल वॉटर टॉवरने अथक प्रयत्न करून आग आटोक्यात आणण्याचा प्रयत्न केला. या ठिकाणी आपत्कालीन सेवा, रुग्णवाहिका सतर्क ठेवण्यात आल्या होत्या.

ईडी कार्यालय सुरक्षित, जीवितहानी नाही
अन्यथा, ही आग फक्त चौथ्या मजल्यापर्यंत सीमित राहिल्याने ग्राउंड फ्लोअरवर असलेलं ईडीचं कार्यालय वाचलं आहे. तर, आग अधिक पसरली असती, तेव्हा सरकारी महत्त्वाच्या कागदपत्रांना आणि कार्यालयीन संपत्तीला गंभीर नुकसान झालं असतं.

सुदैवाने, या आगीत कोणतीही जीवितहानी झालेली नाही. मुंबई अग्निशमन दलाने याबाबत अधिकृत माहिती देताना सांगितले की, “आम्ही वेळेवर हालचाली केल्या आणि सर्व रहिवाशांना सुरक्षितपणे बाहेर काढण्यात आलं.”

रात्रीचा थरार : रहिवाशांची जीवघेणी धावपळ
आग लागल्यानंतर काही मिनिटांतच इमारतीत गोंधळ माजला. अनेक रहिवाशांनी जीव वाचवण्यासाठी अंधारात आणि धुराच्या लोंढ्यातून बाहेर पळ काढला. काहीजणांनी शेजारील इमारतींमध्ये आसरा घेतला.

“आम्ही झोपलो होतो, अचानक आगीचा वास आणि गोंगाट झाला. मुलांना घेऊन पळत सुटलो,” असं एका रहिवाशाने सांगितलं.

आगीचं कारण अद्याप गुलदस्त्यात
अग्निशमन विभागाच्या अधिकाऱ्यांनी सांगितलं की, “आग कशामुळे लागली याची नेमकी माहिती अद्याप मिळालेली नाही. प्राथमिक तपास सुरू आहे.”
तांत्रिक बिघाड, शॉर्ट सर्किट किंवा अन्य कोणत्याही शक्यतांचा तपास सुरू आहे.

इमारत तातडीने रिकामी
आग लागल्याच्या काही मिनिटांतच इमारत रिकामी करण्यात आली. त्यामुळे मोठा अनर्थ टळला. इमारतीच्या शेजारील परिसरातही सुरक्षा वाढवण्यात आली आहे.

अधिकाऱ्यांनी सांगितलं की, “अग्निशमन दलाच्या जलद प्रतिसादामुळे आणि लोकांनी दाखवलेल्या संयमामुळे परिस्थिती हाताळता आल्या.”

अधिक बातम्यांसाठी मराठा प्रेस चे सदस्य बना

About The Author